Sylwadau ar Tonnau'r Haul i Bethau Lliwgar a Blasus

Sylw ar Blodau Rhiwbob? gan rhwng

rhwng — Mon, 14 Apr 2008 18:32:48 +0000

Diolch Rhys,
Ges i gyngor i dorri pen y planhigyn rhiwbob a ma petha’u weld yn dod ymlaen yn iawn rwan. Digon i fwyta mewn chydig o ddyddia gobeithio.
Dwi wedi cael lot o broblemau efo gwlithod hefyd, ond mae’r ieir yn helpu. Un peth wnaeth weithio oedd mynd allan pob nos efo ‘torch’ a’u casglu nhw. Ar ôl gwneud hyn am 3 neu 4 noson oedd y niferoedd yn gostwng reit sydyn.
Lluniau i ddilyn yn fuan (nid o wlithod) - diolch am yr ysgogiad!

Sylw ar Blodau Rhiwbob? gan Rhys

Rhys — Thu, 10 Apr 2008 15:22:46 +0000

Mae mam wedi cynnig planigyn riwbob mewn bwced i ni ers blwyddyn, ond dwi’n byw yng Nghaerdydd ar hyn o bryd ac yn dweud mod i am symud nôl i’r gogledd ac felly ddim eisiau plannu dim byd fyddai wedyn yn styc yma - ond nabod fi fyddai yma am sbel eto, felly dylwn ei blannu ta beth.

Y wraig yw’r garddwr os dwi’n onest, mae wedi plannu tomotos, pupur coch a chilis, wedi ail blannu gwreiddiau o ambell genhinen gawsom gan fy nhad, ac mae nhw’n tyfu reit da.

Cawsom andors o broblem gwlithod (slugs) llynedd, ac ni’n trio pob dim i’w stopio nhw, fel trapiau cwrw i’w boddi neu ’slug hotels’ (hanner graprefruit) i’w denu a’u lladd ond mae fel piso i’r gwynt. Y peth diwethaf i ni drio yw nemotoads [sll?] sy’n bryfetach bach bach chi’n gymysgu mewn dŵr a’i dywallt ar y ddaear. Mae rhain wedyn yn byw yn y pridd a lladd y gwlithof ac i fod yn ffordd ‘wyrdd’ o’u trin. Dwi ddim yn siwr os ydi o wedi bod yn llwyddiannus, ond yn waeth fyth, ni’n meddwl bod nhw hefyd yn effeithio ar bryfaid genwair sydd ddim yn beth da - ni gweld lot o bryfaid genwair byr iawn sy’n fyw (on mond jyst!). Hmm

Cofio foi ambell lun i fyny pan ti’n cael cyfle fel ysgogiad i eraill

Sylw ar Blodau Rhiwbob? gan rhwng

rhwng — Wed, 02 Apr 2008 13:02:42 +0000

Diolch Rhys,
Fi sydd wedi bod braidd yn ddiog, a rwan bod y nosweithiau yn goleuo, o ni’n trio ail-ddechra y blog, a phalu’r ardd, wrth gwrs! Sut ma petha’n mynd efo dy arddio di - lle wyt ti yn y byd?
Does ddim llawer wedi bod yn tyfu heblau y rhiwbob yma a chydig o blanhigion mefus yn y polytunnel wanethh ddim cael eu ‘dwyn’. Ma nhw’n edrach reit iach, felly gobeithio gawn ni chydig flwyddyn yma. Wedi plannu nionod wsnos diwethaf a chydig o tomatos ayyb yn y tŷ.
Wyt ti erioed wedi tyfu rhiwbob?
Hwyl,
Gorwel

Sylw ar Blodau Rhiwbob? gan Rhys

Rhys — Wed, 02 Apr 2008 12:30:39 +0000

Dwi’n meddwl mai fi sydd ar fai am hynny, gan i mi flogio am y blog hwn sbel yn ôl - a wedyn wnest ti stopio blogio. Meddyliais mod i wedi rhoi’r kiss of death i’r blog, ond gobeithio mai oherwydd doedd dim yn tyfu yn yr ardd oedd y rheswm

Sylw ar Be di’r blog ‘ma? gan rhwng

rhwng — Fri, 20 Jul 2007 15:36:48 +0000

Diolch am esbonio peth o’r technoleg yma i mi.

Diolch am y manylion ynglŷn â’r blogs eraill hefyd - na’i gael golwg dros y penwythnos.

Ma’r pupur yn edrach yn edrych yn grêt - dwi wedi tyfy llwyth o rai gwyrdd cwpl o weithiau ond rioed wedi llwyddo cael nhw droi’n goch. Wyt ti i’r de o Ynys Mȏn - fall bod hyn yn helpu?

Gorwel

Sylw ar Be di’r blog ‘ma? gan Rhys

Rhys — Thu, 19 Jul 2007 11:45:55 +0000

Helo Gorwel,

Diolch am yr e-bost, a na tydw i ddim yn cael fy hysbysu pan mae rhywun yn ymateb i sylw dwi’n adael ar flog rhywun arall (sy’n biti rili).

Er gan dy fod ti’n defnyddio WordPress, mae modd i fi danysgrifio i dy ‘Comments RSS’ o dan y penawd ‘Meta’ ar y golofn dde, sy’n golygu pob tro mae unrhywun yn gadael sylw ar dy flog, dwi’n dod i wybod am hynny trwy fy rhestr bloglines (sgrinlun / esboniad o RSS)

Dal ati gyda’r blogio. Beth am adael sylw ar ambell flog Cymraeg ti’n meddwl byddai â diddordeb yng nghynwys un ti? O’r ychydig dwi’n wybod am awduron y gwahanol flogiau Cymraeg, dychmygaf y byddai
Rwdwls Nwdls
Morfablog
Blog Mali
Blog heb enw
i gyd efo diddordeb gan eu bod yn arddwyr eu hunain.

Dyma beth dyfo’n ni y llynedd:
http://www.flickr.com/photos/benbore/tags/cnwd2006

Sylw ar Be di’r blog ‘ma? gan rhwng

rhwng — Wed, 18 Jul 2007 16:40:33 +0000

Diolch Rhys
Dwi di bod braidd yn araf ‘hysbysebu’ oherwydd o ni’n trio disgwyl gweld os faswn i’n llwyddo i bostio’n rheolaidd. Rwan bod na rywun yn darllan, na’i drio bod ychydig mwy cyson!
Diolch am y linc i ‘blogiadur’ hefyd.
Hwyl
Gorwel

Sylw ar Be di’r blog ‘ma? gan Rhys

Rhys — Wed, 18 Jul 2007 11:26:52 +0000

Syniad gwych am flog - methu credu ei fod yn bodoli ers Tachwedd 2006 a dwi heb ei ddarganfod!

Beth am ofyn as caiff ei gynnwys ar http://www.blogiadur.com

Sylw ar Tomatos Gwyrdd gan Mia

Mia — Wed, 04 Jul 2007 12:46:55 +0000

Dwi wedi chwilio am y dyddiad. Llynedd, ges i domato cyntaf ar 11fed o Orffennaf - dim siawns eleni am hynny! Ro’n i’n cychwyn pethau yn hwyrach na’ llynedd (aethon ni ar wyliau yn ystod hanner tymor ym mis Chwefror), o leia’ mis yn hwyrach. Doedd mis Mehefin ddim yn rhy heulog chwaith.

Sylw ar Tomatos Gwyrdd gan rhwng

rhwng — Wed, 04 Jul 2007 07:28:36 +0000

Diolch Mia,
Ia, falla malwod. Er dwi wedi bod yn lwcus efo gwlithod eleni (gobeithio na’i ddim difaru dweud hynna!). Ma’r cwt ieir yn reit agos i’r polytunnell a falla bod hyn wedi helpu. Yn ffodus, dim ond cwpl o domatos sydd wedi cael eu bwyta.
Pan es i mewn bora ‘ma, oedd un o’r planhigion wedi gwywo, fel mae’n digwydd, yr un wrth y drws - falla bod y tywydd diweddar yn cael effaith drwg.
Dwi ddim wedi tyfu dim ers tro, oherwydd cwningod, felly dwi’m yn cofio pryd dwi’n arfer cael tomatos coch. Eleni dwi wedi cael tua hanner dwsin o rai ‘tumbler’ ond mae ‘na tu 50 o rai gwyrdd yn disgwyl.