Newydd weithio allan bod ‘na ryw fath o linc automatic i Blogiadur sy’n gwneud i fi deimlo ‘chydig mwy nerfus wrth sgwennu! Diolch i bwy bynnag wnaeth greu’r linc beth bynnag - falla bydd o’n hwb i mi sgwennu’n fwy rheolaidd.

Mae’r riwbob (Victoria Organic) wnes i blannu llynedd yn edrych braidd yn od i mi. Dwi ‘rioed wedi ei dyfu o’r blaen, a dwi’m yn siŵr os dio fod i flodeuo fel hyn.

Gan fod ‘na ormod o blanhigion, nes i blannu rhai o’r rhain (Blue Lake) yn y polytunnel fer arbrawf - ma’ nhw mhell ymlaen o’r rhai tu allan. Maen nhw’n ymddangos bron bob nos syn gwneud hi’n anodd dal nhw cyn nhw fynd rhy fawr.

Yn plannu: mwy o letys, radis, ffa Ffrengig, bresych a gobeithio mwy o fetys, moron a phys os di’r glaw yn oedi.

Yn bwyta: tatws, y ffa ffrenig yma, y rhai arferol sydd yn y sosban hefyd, betys, tomatos (tumbler), letys.

Drwy alaw gwerin oedd rhywun yn chwara’ yma, dysgais yr enw Cymraeg am ‘fennel’, sef Ffaniglen, ond dwi dal ddim yn siŵr o hyn!

Disgwyl i’r tomatos Moneymaker troi’n goch. Ma’r plastig ar y polytunnel yn eithaf hen a falla bod hyn ddim yn helpu. Bron yn barod i dorri pennau’r planhigion - ar ôl 6 trysiad?

Mae rhywbeth yn bwyta ambell un fel y gwelir yma ( a dwi angen camera gwell!).

Dim yn gwbod mod i’n licio ‘beetroot’ (betysen?) heb ei goginio tan heddiw.

Rhan fwyaf o betha’ wedi bod yn llwyddiannus hyd yma, er bod ‘na chydig o olion pryfaid-du ar y ffa - plannu’n gynharach flwyddyn nesaf. Ma’r planhigion tomatos wedi eu bwydo efo danhadl poethion i’w gweld yn well na’r rhai efo bwyd ‘inorganic’ ond gwell disgwyl i weld a blasu’r ffrwythau.

Mae ‘na lot wedi ei blannu ers canol Ebrill, a llawer o wersi wedi eu dysgu.

1. Dim llawer o bwynt defnyddio hadau hen!

2. Dim pwynt trio tyfu letys rhy gynnar tu allan achos fydda nhw’n chwerw.

3. Mae nionod gwanwyn yn cymryd oesoedd i ddod i fyny ond yn cyrraedd gydag amynedd.

4. Dim pwynt hau ‘sweetcorn’ yn rhy gynnar os oes ‘na ddim lle yn yr ardd i’w plannu. Gobeithio bydd hi’n ddim rhy hwyr i ddilyn y ffa. Dwi’n trio peidio gadael y tir yn wag i osgoi chwyn cymryd drosodd - gobeithio dilyn y tatw newydd (sy’n dod ymlaen yn dda ar ôl y glaw) efo cennin a moron maincrop.

Am fod ‘na ddim ‘backlog’ o gompost blwyddyn yma dwi’n arbrofi gyda’r tomatos uchod (Moneymaker). Bwydo rhai yn y pen draw gyda stwff inorganic, a’r rhai agosâ gyda dalan poethion wedi eu rhoi mewn dŵr ers tua phythefnos. Basil sydd rhwng y planhigion tomatos achos gen i gof o ddarllen eu bod yn gymdogion da. Hefyd wedi plannu tomatos ‘eirin’ mewn gro-bags.

Digwyddiad trist iawn. Dros y penwythnos lladdwyd dwy o’r ieir gan gi. Llwyddodd drydydd (Myfanwy) i dorri’n rhydd ond yn anffodus gyda damwain i’w choes. Mae’n gwella’n araf da ni’n meddwl.

Ffa wedi eu plannu allan – wedi ei dynnu gyda’r nôs i weld os oed ‘na unrhyw ‘predators’ o gwmpas.

Y diweddara: 30/3 pwmpen a chourgettes yn y tŷ, 31/3 rhiwbob (Victoria) 2/4 Un rhes o ffa Ffrengig (Opera) o dan cloche, sweetcorn (Kelvedon Glory) yn y polytunnel. Oedden ni wedi meddwl cadw petha’n syml eleni, ond bob tro dwi’n pasio hadau mewn siop, dwi’n gorfod prynu rhywbeth, felly dwi rŵan angen ffeindio lle i roi pannas. Mae’r ieir yn cael trafferth cyd-fyw ond wedi dechrau dydwy’n barod.

Pannas wedi eu hau (5/4). Mae rhai o’r tomatos wedi eu dinistrio (gwlithod?) felly’n hau mwy. 9/4 Cucumbers yn y ŷ, 10/4 un rhes o bys, 11/4 rhesi o foron (Starca a Amsterdam Forcing) rhwng y nionod sy’n dod ymlaen yn dda.

Gadawodd Gwenan wythnos diwethaf (rŵan yn iâr fuarth ym myd arall), ac efo’r haf yn dod, ac felly’r malwod a’r gwlithod, mae’n bwysig bod yn barod. Wedi prynu dwy Leghorn ac un Sussex bora ma (yn disgwyl iddyn nhw roi eu henwau i ni).

Petha’n dechra o ddifri rwan!

I fyny at heddiw: 18/2 Ffa (Green Windsor) yn y polytunnel, bron yn barod i fynd allan. Moron (Amstersam Forcing) a nionod gwanwyn dan cloche. 20/2 Tomatos yn y tŷ (Tumbler/Moneymaker/San Mar) i gyd wedi dod fyny. 8/3 Nionod (Turbo) yn yr ardd - efo lle i roi moron rhwng y rhesi er mwyn dychryn y pryfaid gobeithio. 13/3 beetroot yn yr ardd. 23/3 Mwy o nionod gwanwyn. Heddiw - Cennyn (Musselburg) yn y Polytunnel, a chwech res o datw newydd (Homeguard).

Bob bore Sul, dwi’n codi a mae ‘na 4 bag mawr o gachu ceffylau tu allan i’r tŷ. Ma hyn yn beth da! Diolch Wendy.

O’r diwedd mae petha wedi sychu! Wedi dechrau arferiad o droi ychydig o hwn am 15 munud yn gynnar yn y bore. Efo dipyn o lwc, ychydig o help gan yr ieir, a llai o law, fydd yna ddigon yn barod tua dechrau mawrth er mwyn plannu. Mae ail ran cwrs gloywi yn dechrau heddiw hefyd - felly amser da i fod mwy cyson efo cadw’r blog yma i fynd.

O’r diwedd - wedi cael rownd i osod hwn ddoe. Y plan rŵan ydi dechrau’i glirio hefo chydig o help gan yr i’r ieir.