Mawrth 26, 2009 at 8:29 yb
· Filed under Uncategorized
Dyma fo’r ffesant sy’n galw’n amal dyddiau yma – dwi’n cymryd mai’r un un sy’n ymweld â’r ardd pob dydd. Mae’n helpu ei hun i fywyd yr adar llai bora ‘ma. Mae’r tywydd wedi troi, ond dwi’n sylwi, ar ôl prynu dau thermomedr newydd, fod tymheredd nos y twnnel yn uwch na’r sied yn barod. Falch o weld hyn achos ma’r tomatos bron yn barod i symud o’r tŷ.
Wedi eu hau/plannu:
Gwsberen newydd: Greenfinch
Mefus: Red Gauntlet
Brocoli: Early Purple Sprouting
Letys: Little Gem (Dwedodd y ddynes yn y siop bod ddim gwerth gyboli efo peth mor gyffredin!)
Permalink
Mawrth 21, 2009 at 8:23 yb
· Filed under Ieir
O’r diwedd, wedi cael yr ieir allan o’r twnnel. Jyst gobeithio bod y ffens yma’n mynd i gadw’r llwynog allan – mae’n edrach digon cryf beth bynnag. Dio’m yn gweithio rhag adar, wrth gwrs … cerddais rownd gornel y tŷ pnawn ddoe a gweld bod yr ieir yn casglu tuag at gornel y ‘run’, yn cuddio rhag ffesant oedd wedi ffeindio’u bwyd. Mae ‘na flodau ar rhai o’r coed afalau – ‘chydig yn fuan falla efo’r tywydd poeth. Y broblem efo blodeuo’n fuan ydi bod ‘na beryg o’r tywydd newid yn sydyn a chwythu’r blodau’i ffwrdd cyn iddyn nhw beillio – mae’n edrach reit lonydd eto bora ‘ma.
Wedi eu hau ers tro diwethaf yn y sied:
Cennin: Musselburgh
Dil:
Teim: anodd i egino, felly arbrawf efo hau ar ben y compost.
Spinach (Mae’r geiriadur yn rhoi ‘pigoglys’ a ‘sbigoglys’ – dim syniad os ‘di rhain yn cael eu defnyddio!): Bordeaux ar gyfer torri fel salad.
Permalink
Mawrth 13, 2009 at 8:51 yb
· Filed under Hau, Ieir, Mefus, Twnnel
Yn trio cael ‘chydig o drefn ar y twnnel, dechra creu ‘beds’, er bod yr ieir dal yna! Dwi’m yn siŵr os di’r maeth maen nhw’n ei adael yn y tir yn gwneud i fyny am y llyngyr sy’n cael eu bwyta. Y rhes ar y dde ydi’r mefus wnes i blannu llynedd sydd bron wedi eu dinistrio – mae ‘na chydig o wyrddni yn dod i’r golwg fell gobeithio cawn nhw siawns no fuan efo’r ffensio’n digwydd dros y pythefnos nesaf.
Wedi ei hau ers tro diwethaf:
Ciwcymber Silor – yn y tŷ. (Dwi wedi trio dilyn canllawia Salt yn Growing Under Plastic – mae’n awgrymu peidio llenwi’r pot i ddechra ond ychwanegu compost ar ôl i’r planhigyn dyfu. Dwi’n cymryd mai ffordd o gael gwreiddiau cryf ydi hyn.)
Letys: Catalogna, Salad Bowl, Bughatti, Lobjoits Green CosOaklef.
Betys: Boltardy (mewn potiau yn y sied).
Pys: Kelvedon Wonder (ditto.).
Permalink
Mawrth 7, 2009 at 1:40 yh
· Filed under Uncategorized
Jyst cofnod minimal iawn o betha wedi eu hau bora ma i drio ail-gychwyn y plannu a’r blog: Tomatos Tumbling Tom, Gardener’s Delight, Alisa Craig, Harbinger, San Marzano, Agro. Wedi rhoi croen ar y twnnel llynedd ond, ers colli ieir i’r llwynog, mae’r tair sydd ar ôl wedi bod yn byw yna dros y gaeaf ac wedi creu llanast – dinistrio’r mefus a phopeth gwyrdd arall. Gobeithio gwneud ‘run’ mis yma i gael ieir allan a threfn yn y twnnel.
Permalink
Gorffennaf 5, 2008 at 10:12 yb
· Filed under Ieir, Mefus, Tomatos, Twnnel ·Tagged Twnnel
Mae’r mafon yma yn barod i’w casglu (Autumn Bliss). Dydi nhw ddim i fod i ffrwytho tan yr Hydref. Debyg bod y gwanwyn poeth a’r glaw dros yr wythnosau diwethaf wedi eu drysu falla? Dwi heb fod yn garddio digon hir i wybod os mai jyst rwbath ‘one-off’ ydi hwn yntau arwydd arall o ‘global warming’.
Dwi wedi cael cychwyn araf eleni achos mod i wedi bod yn defnyddio amsar sbâr i gyd i baratoi a rhoi croen newydd ar y twnnel. Mae’r tomatos i gyd mewn potiau – dwi heb drio hyn o’r blaen. Heb osod y drysau ar y twnnel eto felly mae’r ieir (Melys yn y llun) yn crwydro mewn – yn edrych ar ôl y gwlithod ond yn bwyta peth o’r letys!
Permalink
Ebrill 2, 2008 at 8:25 yb
· Filed under Rhiwbob
Newydd weithio allan bod ‘na ryw fath o linc automatic i Blogiadur sy’n gwneud i fi deimlo ‘chydig mwy nerfus wrth sgwennu! Diolch i bwy bynnag wnaeth greu’r linc beth bynnag – falla bydd o’n hwb i mi sgwennu’n fwy rheolaidd.
Mae’r riwbob (Victoria Organic) wnes i blannu llynedd yn edrych braidd yn od i mi. Dwi ‘rioed wedi ei dyfu o’r blaen, a dwi’m yn siŵr os dio fod i flodeuo fel hyn.
Permalink
Gorffennaf 12, 2007 at 4:45 yh
· Filed under Uncategorized
![]()
Gan fod ‘na ormod o blanhigion, nes i blannu rhai o’r rhain (Blue Lake) yn y polytunnel fer arbrawf – ma’ nhw mhell ymlaen o’r rhai tu allan. Maen nhw’n ymddangos bron bob nos syn gwneud hi’n anodd dal nhw cyn nhw fynd rhy fawr.
Yn plannu: mwy o letys, radis, ffa Ffrengig, bresych a gobeithio mwy o fetys, moron a phys os di’r glaw yn oedi.
Yn bwyta: tatws, y ffa ffrenig yma, y rhai arferol sydd yn y sosban hefyd, betys, tomatos (tumbler), letys.
Drwy alaw gwerin oedd rhywun yn chwara’ yma, dysgais yr enw Cymraeg am ‘fennel’, sef Ffaniglen, ond dwi dal ddim yn siŵr o hyn!
Permalink
Gorffennaf 2, 2007 at 1:22 yh
· Filed under Pests a chlefydau, Tomatos
Disgwyl i’r tomatos Moneymaker troi’n goch. Ma’r plastig ar y polytunnel yn eithaf hen a falla bod hyn ddim yn helpu. Bron yn barod i dorri pennau’r planhigion – ar ôl 6 trysiad?
Mae rhywbeth yn bwyta ambell un fel y gwelir yma ( a dwi angen camera gwell!).
Permalink
Mehefin 25, 2007 at 6:21 yh
· Filed under Uncategorized
Dim yn gwbod mod i’n licio ‘beetroot’ (betysen?) heb ei goginio tan heddiw.
Rhan fwyaf o betha’ wedi bod yn llwyddiannus hyd yma, er bod ‘na chydig o olion pryfaid-du ar y ffa – plannu’n gynharach flwyddyn nesaf. Ma’r planhigion tomatos wedi eu bwydo efo danhadl poethion i’w gweld yn well na’r rhai efo bwyd ‘inorganic’ ond gwell disgwyl i weld a blasu’r ffrwythau.
Permalink
Mai 17, 2007 at 7:35 yb
· Filed under Uncategorized
Mae ‘na lot wedi ei blannu ers canol Ebrill, a llawer o wersi wedi eu dysgu.
1. Dim llawer o bwynt defnyddio hadau hen!
2. Dim pwynt trio tyfu letys rhy gynnar tu allan achos fydda nhw’n chwerw.
3. Mae nionod gwanwyn yn cymryd oesoedd i ddod i fyny ond yn cyrraedd gydag amynedd.
4. Dim pwynt hau ‘sweetcorn’ yn rhy gynnar os oes ‘na ddim lle yn yr ardd i’w plannu. Gobeithio bydd hi’n ddim rhy hwyr i ddilyn y ffa. Dwi’n trio peidio gadael y tir yn wag i osgoi chwyn cymryd drosodd – gobeithio dilyn y tatw newydd (sy’n dod ymlaen yn dda ar ôl y glaw) efo cennin a moron maincrop.
Am fod ‘na ddim ‘backlog’ o gompost blwyddyn yma dwi’n arbrofi gyda’r tomatos uchod (Moneymaker). Bwydo rhai yn y pen draw gyda stwff inorganic, a’r rhai agosâ gyda dalan poethion wedi eu rhoi mewn dŵr ers tua phythefnos. Basil sydd rhwng y planhigion tomatos achos gen i gof o ddarllen eu bod yn gymdogion da. Hefyd wedi plannu tomatos ‘eirin’ mewn gro-bags.
Digwyddiad trist iawn. Dros y penwythnos lladdwyd dwy o’r ieir gan gi. Llwyddodd drydydd (Myfanwy) i dorri’n rhydd ond yn anffodus gyda damwain i’w choes. Mae’n gwella’n araf da ni’n meddwl.
Permalink
« Newer Posts ·
Cofnodion Hŷn »
